দেবং দেব্যতনুং সুছন্দবদনং বালার্কচেলাঞ্চিতং
সান্দ্রানন্দপুরং সদেকবরণং বৈরাগ্য-বিদ্যাম্বুধিম্ ।
শ্রীসিদ্ধান্তনিধিং সুভক্তিলসিতং সারস্বতানাম্বরং
বন্দে তং শুভদং মদেকশরণং ন্যাসীশ্বরং শ্রীধরম্ ॥

শ্রীস্বরূপ-রায়-রূপ-জীব-ভাব-সম্ভরং
বর্ণধর্ম্ম-নির্ব্বিশেষ-সর্ব্বলোকনিস্তরম্ ।
শ্রীসরস্বতী-প্রিয়ঞ্চ ভক্তিসুন্দরাশ্রয়ং
শ্রীধরং নমামি ভক্তিরক্ষকং জগদ্­গুরুম্ ॥

সিন্ধু-চন্দ্র-পর্ব্বতেন্দু-শাক-জন্মলীলনং
শুদ্ধ-দীপ্ত-রাগ-ভক্তি-গৌরবানুশীলনম্ ।
বিন্দু-চন্দ্র-রত্ন-সোম-শাক-লোচনান্তরং
শ্রীধরং নমামি ভক্তিরক্ষকং জগদ্­গুরুম্ ॥